गुल्मीमा झण्डै २ सय एच.आइ.भी. संक्रमित

– अनिल खत्री

गुल्मी, २५ जेठ । गुल्मीको एक संस्थाले सार्वजानिक गरेको तथ्याङ्ग अनुसार गुल्मी जिल्लामा एच.आइ. भी.एड्स संक्रमितको संख्या झण्डै २ सय रहेको तथ्याङ्क सर्वजनिक गरेको छ ।

एच.आई.भी. क्षेत्रमा काम गरिरहेको संस्था हाम्रो जीवन प्लसले आज सदरमुकाम तम्घासमा सार्वजानिक गरेको प्रतिवेदनमा जिल्लामा १ सय ९५ जना संक्रमित रहेका छन् ।

संक्रमितमध्ये पुरुष ८५ जना र महिला १ सय १० जना रहेको प्रतिवेदमा उल्लेख छ । संस्थाकी अध्यक्ष सावित्रा ज्ञवालीले दिएको जानकारी अनुसार तीमध्ये १ सय ३९ जनाले ए.आर.टी. लिई रहेका छन् । गुल्मीमा हालसम्म २० जनाको मृत्यु भई सकेको छ । देशभरमा भने संक्रमितको संख्या २६ हजार ७ सय २ पुगेको तथ्याङ्गमा उल्लेख छ ।