अहमदाबाद, १४ वैशाख । जेलमा बन्द रहेका आरक्षण आंदोलनका नेता हार्दिक पटेललाई जमानतको माग गर्दै उनका कानुन व्यवसायीले उच्च न्यायालयमा प्रमाणसहित बहस गरेका छन् ।
त्यस क्रममा कानुन व्यवसायीले पटेलले हिंसा नभड्काएको जिकिर गरेका थिए । बरु शान्तिका लागि हार्दिकले आग्रह गरेको उनले बताए ।
न्यायमूर्ति एजे देसाईको इजलासमा हार्दिकको जमानतमा सुनवाई भइरहेको छ । हार्दिकविरुद्ध अहमदाबाद र सूरतमा देशद्रोहको आरोपमा पक्राउ गरी मुद्दा चलाइएको छ ।
उनका वकील जुबिन भरदाले अहमदाबाद पुलिसले अघिल्लो वर्ष २५ अगस्तमा जीएमडीसी मैदानको सभामा हार्दिक पटेलको भाषणको गलत अर्थ निकालेर पक्राउ गरेको थियो । प्रहरीले हार्दिक पटेललाई हिंसा भड्काएको आरोप लगाउँदै आएको आरोप छ ।
वकीलले भनेका छन्, ‘हार्दिकको कुनै पनि गलत कुरा छैन । सरकारमाथि बम प्रहार गरेर फाल्ने कुरा उनले गरेका छैनन् । उनले पटेल समुदायका व्यक्तिलाई आरक्षणको माग गरेर आन्दोलन गरेका हुन् ।’
न्यायमूर्ति देसाईको इजलासमा हार्दिक पटेलका साथै तीन सहयोगी केतन पटेल, चिराग पटेल र दिनेश बांभनियाको जमानतको सुनुवाई भएरहेको छ ।
प्रधानमन्त्री नरेन्द्र मोदीको गृह राज्य गुजरातमा पटेल समुदायले आरक्षणको माग गरेर ठूलो आन्दोलन चर्काएको थियो ।
तर, त्यहाँको सरकारले पटेल समुदायको आन्दोलनलाई दबाइ दिएको छ । आरक्षणका लागि आन्दोलन गर्दै आएकाहरूलाई पक्राउ गरेर थुनामा राखिनुका साथै विभिन्न मुद्दा लगाइएको छ । एजेन्सी
प्रतिक्रिया