काठमाडौं, १२ वैशाख । नुवाकोट जिल्लालाई केन्द्रविन्दु बनाएर आज बिहान भूकम्पको धक्का महशुस गरिएको छ ।
महाविनाशकारी भूकम्प गएको ठीक एक वर्ष पुगेको दिन आज बिहान नुवाकोटको साल्मे नजिकैको क्षेत्रलाई केन्द्रविन्दु बनाएर २ बजेर १६ मिनेटमा ४.२ रेक्टर स्केलको भूकम्पको पराकम्पन गएको राष्ट्रिय भूकम्प मापन केन्द्रले जनाएको छ ।
विनाकारी भूकम्प गएको एक वर्ष बितेपनि भूकम्पको पराकम्पन आउने क्रम रोकिएको छैन ।
गत वर्ष आजकै दिन मध्यान्ह ११ बजेर ५६ मिनेट जाँदा गोरखाको बारपाकलाई केन्द्रविन्दु बनाएर ७ दशमलब ८ रेक्टर स्केलको भूकम्प गएको थियो ।
भूकम्पमा परि झन्डै ९ हजार मानिसले ज्यान गुमाएका थिए भने हजारौं घाइते भएका थिए ।
प्रतिक्रिया