दाङ, ५ वैशाख । दाङमा ट्रयाक्टरले मोटरसाईकललाई ठक्कर दिँदा एक जनाको मृत्यु भएको छ ।
घोराही– ७ बाँसवोटमा आज बिहान रा १ त १४२७ नम्वरको ट्रयाक्टरले रा १ प ५२१८ नम्वरको मोटरसाईकललाई ठक्कर दिँदा मोटरसाईकल चालक सैघा– १ का ३७ वर्षीय नरबहादुर गिरीको मृत्यु भएको प्रहरीले जनाएको छ ।
जिल्ला प्रहरी कार्यालय दाङका प्रवक्ता प्रकाशराज शर्माका अनुसार घाइते गिरीलाई उपचारका लागि घोराहीस्थित उपक्षत्रीय अस्पताल पुगाउँदै गर्दा बाटोमै मृत्यु भएको थियो ।
दुर्घटनामा परी मोटरसाईकलमा सवार सैघा– २ का २२ वर्षीय खेमबहादुर भण्डारी घाइते भएका छन् । उनको राप्ती उपक्षेत्रीय अस्पतालमा उपचार भइरहेको छ ।
दाङवाट रोल्पातर्फ जाँदै गरेको ट्रयाक्टरले र विपरित दिशाबाट आईरहेको मोटरसाईकललाई ठक्कर दिएको थियो ।
प्रतिक्रिया