बारामा श्रीमतीको हत्या, शव जलाउँदा प्रहरी पुगेपछि…

बारा, १२ चैत । सिहासनी–४ बस्ने ४० बर्षीया प्रमिला चौधरीको शवलाई घर नजिकै खेतमा जलाइरहेको अवस्थामा प्रहरीले बिहीबार फेला पारेको छ ।

उनका श्रीमान बृजकिशोर चौधरीले प्रमिलाको हत्या गरी शव जलाएको भन्ने प्रारम्भिक अनुसन्धानबाट खुल्न आएको केन्द्रीय प्रहरी समाचार कक्षले जनाएको छ ।

घटनाको थप अनुसन्धानको लागि प्रहरीले २ जना आफन्त महिलालाई नियन्त्रणमा लिनुका साथै फरार बृजकिशोरको खोजतलास गरिरहेको छ ।

यस सम्बन्धमा प्रहरीले थप आवश्यक अनुसन्धान गरिरहेको छ ।