अछाममा महिलाले गरिन् आफ्नै श्रीमानको हत्या

अछाम, २६ पुस । यहाँकी एक महिलालाई शनिबार बिहान बन्चरो प्रहार गरेर श्रीमान्को हत्या गरेको आरोप लगाइएको छ ।

मलातिकोट–५ ताली निवासी धनादेवी साउदले ३६ वर्षीय श्रीमान् लालबहादुरको हत्या गरेको तथा टाउकामा ठूलो चोट रहेको र कम्बलमा बेरेर भान्सामा लछारेर फालिएको अवस्थामा उनको शव भेटिएको प्रहरीले जनाएको छ ।

अभियुक्त धनादेवीलाई नियन्त्रणमा लिइएको अछामका प्रहरी प्रमुख प्रहरी नायब उपरीक्षक दिलीप सिंह देउवाले जानकारी दिनुभयो । रासस