सरकार र मधेसी गठबन्धनबीच साँझ ६ बजे वार्ता हुने, मधेसी मोर्चा आफ्नै अडानमा

काठमाडौं, २९ मंसिर । ९बुँदे माग राख्दै मधेसमा आन्दोलन गरिरहेको संघीय समावेशी मधेसी गठबन्धनसँग सरकारले पहिलोपटक मंगलबार साँझ ६ बजे वार्ता गर्ने भएको छ ।

प्रधानमन्त्री निवास बालुवाटारमा हुने वार्तामा गठबन्धनले राखेका ९बुँदे मागबारे छलफल हुने बताइएको छ ।

मधेसी गठबन्धनमा शरदसिंह भण्डारी नेतृत्वको राष्ट्रिय मधेस समाजवादी पार्टी, राजकिशोर यादव नेतृत्वको मधेसी जनाधिकार फोरम (गणतान्त्रिक), अनिल झा नेतृत्वको संघीय सद्भावना पार्टी र जेपी गुप्ता नेतृत्वको तराई मधेस राष्ट्रिय अभियान सहभागी छन् ।

यता मधेस आन्दोलनको मुख्य नेतृत्वकर्ता संयुक्त लोकतान्त्रिक मधेसी मोर्चा भने आफ्नै अडानमा छ । विगतमा भएको ११ बुँदे सहमति कार्यान्वयनको माग गर्दै मोर्चाले विगत तीन महिनादेखि आन्दोलन गरिरहेको छ ।