काठमाडौं, ७ मंसिर । अघोषित नाकाबन्दीको विरोध गर्दै नेकपा क्रान्तिकारी माओवादीका अध्यक्ष मोहन वैद्यले भारतीय प्रधानमन्त्री नरेन्द्र मोदीलाई ज्ञापनपत्र पठाएका छन् ।
सोमबार वैद्यले काठमाडौंस्थित लैनचौरमा रहेको भारतीय दूतावासमार्फत् मोदीलाई ज्ञापनपत्र बुझाएका हुन् ।
भारतले नेपालको आन्तरिक मामिलामा हस्तक्षेप गरेको र अन्तर्राष्ट्रिय कानुन विपरित आर्थिक नाकाबन्दी गरिएको विरोधमा आफूहरूले ज्ञापनपत्र बुझाएको अध्यक्ष वैद्यले जानकारी दिनुभयो । उहाँले भन्नुभयो- ‘नाकाबन्दीबाट उत्पन्न परिस्थितीबारे सबै कुरा उल्लेख गरेर मोदीलाई पत्र पठायौं । साथै पत्र मार्फत नाकाबन्दी विरोध पनि गरेका छौं ।’
ज्ञापनपत्र बुझाउनु अघि माओवादी कार्यकर्ताले केहीबेर भारतीय नाकाबन्दीको बिरोधमा नाराबाजी समेत गरेका थिए ।
प्रतिक्रिया