काठमाडौं, ६ मंसिर । संसद अबरोध र भावी रणनीतिका विषयमा छलफल गर्न प्रमुख विपक्षी दल नेपाली कांग्रेसले संसदीय दलको बैठक बोलाएको छ ।
काठमाडौंमा अहिले केही समयपछि बस्ने बैठकमा मधेसका जनताले उठाएका मागका विषयमा छलफल हुने बुझिएको छ ।
कांग्रेसले सीमाङ्कनसहित सबै विषयमा खुला रहेको जनाएको छ । उसले राजनीतिक जायज मागलाई सम्वाद र सहमतिका साथ पूरा गर्न सकिने जनाउँदै आएको छ ।
संसद बैठक अबरोध गर्ने पराम्भीक निर्णय गरेको कांग्रेसले संसदमा आफ्नो सरकारको पालामा दर्ता गराएका संविधान संशोधनसम्बन्धी दुई वटा विधेयकलाई पारित गराउन सरकारलाई दबाव दिनेछ । कांग्रेसले मधेसीका माग तथा भारतीय नाकाबन्दी खोल्न पनि दबाव दिनेछ ।
भौगोलिक र जनसंख्याका आधारमा निर्वाचन क्षेत्र निर्धारण तथा समावेशी र समानुपातिक सहभागितासम्बन्धी दुई विधेयक कांग्रेसले संसदमा दर्ता गराएको छ । सो विधेयक आगाडि बढाउन सरकारलाई दबाव दिँदै आएको छ ।
प्रतिक्रिया