झलनाथले भने- नाकाबन्दी गरिरहेको भारतलाई अन्तर्राष्ट्रिय कानुनको कठघरामा उभ्याउछौं

काठमाडौं, २६ कात्तिक । पूर्वप्रधानमन्त्री एवं एमाले वरिष्ठ नेता झलनाथ खनालले भारतले नेपालमाथि लगाउँदै आएको नाकाबन्दी अन्तर्राष्ट्रिय सन्धि–सम्झौताविपरित रहेको भन्दै नाकाबन्दीलाई तत्काल अन्तर्राष्ट्रियकरण गर्नुपर्नेमा जोड दिनुभएको छ ।

काठमाडौंको डल्लुस्थित आफ्नै निवास परिसरमा बुधबार सञ्चारकर्मीसँग कुराकानी गर्दै खनालले भारत सरकार र अन्तर्राष्ट्रिय संघ–संस्थासँग वार्ता गरी नाकाबन्दी फिर्ता गराउन तत्काल कदम चाल्न सरकारलाई आग्रह गर्नुभयो ।

उहाँले भन्नुभयो- यति गर्दा पनि भएन् भने भारतलाई अन्तर्राष्ट्रिय कानुनको कठघरामा उभ्याउनुपर्छ । त्यसका लागि एमाले नेतृत्वको सरकार पछि हट्ने छैन् ।’ विपत्तिमा परेको राष्ट्रमाथि भारतले नाकाबन्दी लगाउनु अमानवीय कार्य भएको खनालको भनाई छ ।