काठमाडौं, २१ कात्तिक । बाबुराम भट्टराईको नयाँ शक्ति अभियानलाई सहयोग गरेको अभियोगमा एकीकृत एमाओवादी अध्यक्ष पुष्पकमल दाहाल प्रचण्डकी पुत्री रेणु दाहालले चार नेतालाई कारबाही गर्नुभएको छ ।
एमाओवादीको काठमाडौं जिल्ला कार्यसमितिका चार जना नेताहरूलाई सचिव समेत रहनुभएकी रेणुले कारबाही गर्नुभएको हो ।
रेणुले सदस्य महेन्द्र श्रेष्ठ, ईश्वर रिजाल, चिजा गर्तौला, सविता भण्डारी र लक्ष्मण कार्कीलाई पार्टीबाट निष्काशसन गर्नुभएको छ ।
बाबुरामको नयाँ शक्तिलाई सहयोग गर्नेभन्दै यी चार नेताले सामूहिक राजीनामा पत्र पठाएपछि आक्रोशित बनेकी रेणुले कारबाही गर्नुभएको विज्ञप्तिमा जनाइएको छ ।
एमाओवादी काठमाडौं जिल्ला अध्यक्ष हिमाल शर्माले पनि कारबाहीको संयुक्त विज्ञप्तिमा हस्ताक्षर गर्नुभएको छ । अध्यक्ष शर्मा बाबुराम निकट मानिनु हुन्छ ।
विगतमा समानान्तर समितिमार्फत अनुशासनविपरित कार्य गर्ने र नयाँ शक्तिको अभियानमा लागेको भन्दै वक्तव्यबाजी गरेकोले कारबाही गरिएको प्रचण्ड पुत्री रेणुले उल्लेख गर्नुभएको छ ।
काठमाडौं जिल्ला कार्यसमितिका ७५ जना सदस्यमध्ये चार जनाले विद्रोह गरेपछि रेणु आक्रोशित भएकी हुन् । कारबाहीमा परेका चार जनाले बिहीबार राजीनामा पत्र पठाएका थिए ।
प्रतिक्रिया