हदैसम्मको कारबाही हुने भएपछि खेलाडीले बयान फेरे

काठमाडौं, १६ कात्तिक । म्याच फिक्सिङको आरोपमा पक्राउ परेका खेलाडी तथा प्रशिक्षकको बयान सकिएको छ ।

बयान फेर्दै पाँचै जनाले म्याच फिक्सिङको संलग्नता अस्वीकार गरेका छन् ।

यसअघिको बयानमा उनीहरुले मिलेमतोमा खेलेको र त्यसवाफत पैसा लिएको बयान दिएको प्रहरी स्रोतले बतायो । तर लिखित बयानका क्रममा उनीहरुले पैसा लिएर पनि मिलेमतोमा नखेलेको बताएको समाचार नयाँ पत्रिका दैनिकले छापेको छ ।

चिनजानका आधारमा विदेशी साथीहरुलाई आफूलाई रकम पठाएको उनीहरुले बताएका छन् । बुकीबाट पैसा लिएको कागजपत्रलाई प्रहरीले सबैभन्दा बलियो प्रमाण मानेको छ ।