सरकारलाई समर्थन गर्ने दलहरूको बैठक बस्दै

काठमाडौं, ८ कात्तिक । राष्ट्रपति र उपराष्ट्रपति निर्वाचनका विषयमा छलफल गर्न सरकारमा सहभागी दलहरूको बैठक बालुवाटारमा बस्दैछ ।

प्रधानमन्त्री निवास बालुवाटारमा अहिले केही समयपछि बस्ने बैठकमा मुलुकको पछिल्लो राजनीतिक अवस्थाका साथै राष्ट्रपति निर्वाचनका विषयमा छलफल हुनेछ ।

राष्ट्रपतिमा आफैले उम्मेदवारी दिने निर्णय गरेको एमालेले समर्थन जुटाउन सत्तारुढ दलहरूको बैठक बोलाएको हो ।

बैठकमा राष्ट्रपतिमा एमालेले आफ्ना उम्मेदवारलाई मतदान गर्न आग्रह गर्ने बुझिएको छ । बैठक नौ बजेपछि बालुवाटारमा बस्नेछ ।