चिलीमा ६.१ रेक्टरको शक्तिशाली भूकम्प

एजेन्सी । चिलीमा शनिबार शक्तिशाली भूकम्प गएको छ ।

अमेरिकी भौगर्भिक संस्थाका अनुसार शनिबार राति उत्तरी र दक्षिणी चिलीमा ६ र ६.१ रेक्टर स्केलको भूकम्प गएको हो । भूकम्पबाट केही भौतिक संरचनामा क्षति पुगेको र मानवीय क्षति भने नभएको समाचार एजेन्सीले जनाएका छन् ।

चिलीको लेबु शहरबाट १० किलोमीटर दूरीमा शनिबार विहान ३ बजेर ३ मिनेटमा पहिलो धक्का महसूस गरिएको थियो । भूकम्पको दोस्रो धक्का आइतबार राति ३ बजेर २७ मिनेटमा टोंगोय शहरबाट १७ किलोमीटरको दूरीमा महसूस गरिएको थियो ।

चिलीको सरकारी राष्ट्रीय विपद कार्यालयले बताएअनुसार दक्षिण अमेरिकी देशका केही भागमा पनि भूकम्पको धक्का महसुस गरिएको छ ।