उपराष्ट्रपतिमा एमाओवादीका नन्दबहादुर पुन विजयी, यादव पराजित

काठमाडौं, १४ कात्तिक । उपराष्ट्रपति निर्वाचनमा सत्तागठबन्धनका तर्फबाट उम्मेदवारी दिनुभएका एकीकृत माओवादीका नन्दबहादुर पुन विजयी हुनुभएको छ ।

पुनले ३ सय २५ मत पाउनु भएको हो । उहाँका निकटतम प्रतिन्द्वी कांग्रेसका अमियकुमार यादवले २ सय १२ मत पाउनु भएको थियो ।

आज बसेको संसद बैठकमा सभामुख ओनसरी घर्तीले पुन विजयी हुनु भएको घोषणा गर्नुभएको थियो ।

मतदानका क्रममा १० मत बदर भएको संसद सचिवालयले जनाएको छ । निर्वाचनमा कुल ५ सय ४७ मत खसेको थियो । संसदमा ५ सय ९६ सदस्य छन् ।

संसदको अर्को बैठक कात्तिक २२ गते बिहान एघार बजे बस्ने गरी स्थगित भएको छ ।