एसिड आक्रमणमा परेका सीमा बस्नेत र संगिता मगर एसएलसीमा अनुतिर्ण

– विश्वास खड्काथोकी

काठमाडौ, ४ असार । एसिड आक्रमणमा परेकी सीमा बस्नेत र संगीता पुलामी मगर एसएलसी परिक्षामा अनुतिर्ण भएका छन् ।

काठमाडौंको शान्तिश्वरी राज्यलक्ष्मी माविबाट एसएलसी परिक्षामा सहभागी भएका सीमा र संगिता अनुतिर्ण भएका हुन् । एलएलसी परिक्षा नजिकिँदै गर्दा उनीहरुलाई जीवन विकले काठमाडौँको बसन्तपुरमा एसिड छ्यापेका थिए ।

गाणित विषय लगेपछि सिमा अनुतिर्ण भएकी हुन् । गणित विषयमा सफल भएको भए उनी पहिलो श्रेणीमा पास हुने थिइन् । उनले ४ सय ८० नम्बर प्राप्त गरेर छिन् । सीमाले एसएलसी परिक्षामा अनुतिर्ण भएकोे अहिलेसम्म विश्वास गर्न सकेकी छैनन् ।

उनले दैनिक नेपालसँग भनिन्, ‘सरले तिमीहरुको कपी छुट्टै चेक भएको छ भन्नुभएको थियो । त्यसैले त्यो सिटमा हाम्रो सिम्बल नम्वर नदेखाएको होला ।’ उनले मलिन स्वरमा भनिन् ।

सिमा अहिलेसम्म कुनै पनि कक्षामा असफल भएकी थिइनन् । एसएलसी टेस्ट परिक्षामा भने बिज्ञान विषयमा अनुतिर्ण भएकी थिइन् । रौटहटकी सीमा काठमाडौं आएर सात कक्षादेखि पढ्न थालेकी थिइन् ।