दिदीले हात छोड्दा २ वर्षीय भाईको मृत्यु

जाजरकोट, ३० जेठ । जाजरकोटमा एक २ वर्षीय बालकको भेरी नदीमा डुबेर मृत्यु भएको छ ।

खलंगा–८ बस्ने कुमार खत्रीको छोरा २ वर्षीय डिलबहादुर खत्री आफनै दिदीसँग भेरी नदीमा नुहाउन गएको अवस्थामा नदी किनारको ताल परेको पानीमा डुबेर शनिबार मृत्यु भएको छ ।

दिदीसँगै नुहाइरहेका भाइले हात छुटाएर बीच नदीतिर गएका थिए । बीचतिर जाँदा गहिरो तालमा परेर भाइको मृत्यु भएको प्रहरीले जनाएको छ ।