काठमाडौं, ३० जेठ । विनाशकारी भूकम्पबाट काठमाडौंमा थप एक जनाको मृत्यु भएको छ ।
विनाशकारी भूकम्पपछि परकम्पन आउने क्रम नरोकिरहेका बेला अस्पतालमा उपचार गराइरहेका घाइतेहरुको मृत्यु हुने क्रम जारी छ ।
त्यही क्रममा बैशाख १२ गतेको बिनाशकारी भूकम्पमा परी घाइते भएका ललितपुर उपमहानगरपालिका-२३ धापाखेल बस्ने ४६ वर्षीय डम्बरबहादुर सारुको आज काठमाडौं स्थित न्यूरो अस्पताल बाँसबारीमा उपचारको क्रममा मृत्यु भएको हो ।
भूकम्पमा घर भत्किएर गम्भीर घाइते भएका डम्बरबहादुरको मस्तिष्कमा गहिरो चोट लागेको थियो । घाइते भएकै दिन अस्पताल भर्ना गरिएका डम्बरको डेढ महिनापछि मृत्यु भएको हो । उनको शवलाई परिवारको जिम्मा लगाइएको छ ।
प्रतिक्रिया