गाई चराउन जङ्गल गएकी महिलाको लास भेटियो

धनगढी, १५ जेठ । कैलाली जिल्लाको उदासीपुर गाविसकी ८४ वर्षीया एक वृद्धा नजिकैको पञ्चौती सामुदायिक वनमा मृत अवस्था फेला परेकी छन् ।

तीन दिनअघि गाई चराउन जङ्गल गएकी स्थानीय शोभादेवी रावल बिहीबार साँझ मृत फेला परेकी जिल्ला प्रहरी कार्यालयले जनाएको छ ।

वृद्धा हराएको खबर पाएपछि प्रहरी टोलीले खोज्दै जाँदा उनी मृत फेला परेकी थिइन् । घटनाबारे अनुसन्धान भइरहेको प्रहरीले जनाएको छ । रासस