तराईका जिल्लामा चिसो सुरु, रौतहटमा चिसोले एकको मृत्यु

रौतहट, २० मंसिर । केही दिनदेखि रौतहट जिल्ला चलेको शीतलहरबाट एक जनाको मृत्यु भएको छ ।

लक्ष्मीनिया गाविस–२ मुसहरी टोलका ५० वर्षीय भोलामाझी मुसहरको गएराति मृत्यु भएको हो ।

खाना खाई घरमा सुतेका माझीको चिसोका कारण मृत्यु भएको थियो ।

चिसोका कारण कठ्याङ्ग्रिएर मृत्यु भएको स्थानीय समाजसेवी विजय यादवले बताए । पछिल्लो तीनदिनदेखि रौतहट जिल्लामा शीतलहर सुरु भएको छ ।

शीतलहरले स्थानीयको जनजीवन प्रभावित भएको छ ।