काठमाडौँ, २ मंसिर । एमाओवादीका अध्यक्ष पुष्पकमल दाहाल प्रचण्डले यही संविधानसभाबाट संविधान बनाएरै छाड्ने प्रतिवद्धता व्यक्त गर्नुभएको छ ।
मंगलबार बिहान लाजिम्पाटस्थित आफ्नो निवासमा पत्रकार महासंघका पदाधिकारीसँग कुरा गर्दै उहाँले यस्तो बताउनु भएको हो । रुसमा लेनिनले संविधानसभा विघटन गरेजसरी संविधानसभा नछाड्ने उहाँको भनाई थियो ।
संविधान निर्माणमा दबावका दिने अभियान लिएर प्रचण्डनिवास पुगेका पत्रकार महासंघका पदाधिकारीलाई उहाँले संविधानसभा जनयुद्धको जगमा निर्माण भएकाले जनयुद्धको मर्म र भावनाअनुरुपको संविधान निर्माण हुनुपर्नेमा समेत जोड दिनुभयो ।
कांग्रेस र एमालेले जनयुद्धको मर्म र भावना विपरीतको संविधान बनाउन खोजेको आरोप पनि लगाउनुभयो । ‘१२ बूँदे समझदारी तथा शान्ति सम्झौताको मर्म र भावनाबाट सत्तारुढ दलहरु पछि हटेका छन्,’ उहाँले भन्नुभयो,’ ‘संसदमा हामी प्रतिपक्षमा भए पनि संविधानसभामा हामले आफूलाई प्रतिपक्षका रुपमा नसोका छैनौँ । तर, कांग्रेस र एमालेले गणितीय आधारमा संविधान बनाउने कुरा गरेर संविधानसभालाई पनि पक्ष–प्रतिपक्षमा विभाजित बनाउन खोजेका छन् ।’
प्रतिक्रिया