काठमाडौँ, १ मंसिर । संविधानसभाका अध्यक्ष सुवास नेम्वाङले दलहरुबीच सार्क सम्मेलन अघि नै सहमति जुट्नु पर्ने बताउनु भएको छ ।
तीन दलका शीर्ष नेतासँगको छलफलपछि सञ्चारकर्मीहरुसँग कुराकानी गर्दै उहाँले यस्तो बताउनु भएको हो । ‘सार्क सम्मेलन अघि दलहरुबीच सहमति भएन भने माघ ८ मा नयाँ संविधान जारी गर्न मुस्किल हुन्छ,’ उहाँले भन्नुभयो, ‘सम्मेलनअघि सहमति भयो भने संविधानसभा कार्यतालिका संशोधन र त्यसमा रहेका केही कार्यसूची खारेज गरेर भए पनि निर्धारित मितिमा संविधान जारी गर्न सकिन्छ ।’
उहाँले दलहरुलाई आफुले त्यस बारेमा ध्यानाकर्षण गराएको पनि जानकारी दिनुभयो । आफुले बैठकमा संवाद समितिले सहमति निर्माण गर्न नसके असहमतिका विषयमा प्रश्नावली बनाउनुपर्ने तर्फ समेत ध्यानाकर्षण गराएको जानकारी दिनुभयो ।
प्रतिक्रिया