काठमाडौं, २९ भदौ । संयुक्त राज्य अमेरिकाले भिसा आवेदन प्रक्रियामा परिवर्तन गरेको छ ।
अमेरिकी दूतावासले सोमबारबाट लागू हुने गरी भिसा निवेदन तथा भुक्तानी गर्न नयाँ अनलाइन सेवा गर्न सुरू गर्न लागेको हो ।
काठमाडौंस्थित अमेरिका दूतावासबाट जारी विज्ञप्ति अनुसार, नयाँ अनलाइन व्यवस्था पर्यटक, बिजनेस, विद्यार्थी र अन्य गैरआप्रवासी भिसामा लागू हुनेछ ।
विश्वभरका १२० भन्दा बढी मुलुकमा रहेका अमेरिकी दूतावास तथा कन्सुलेटहरूले सोमबारदेखि नयाँ अनलाइन सेवा प्रयोग गर्ने विज्ञप्तिमा उल्लेख छ । विज्ञीप्तमा नयाँ व्यवस्थाले यात्रुहरूलाई उपलब्ध अपोइन्टमेन्ट हेर्ने र उनीहरूको समय तालिकाको लागि सबैभन्दा उपयुक्त मिति र समय रोज्ने मौका मिल्ने उल्लेख छ ।
अनलाइन व्यवस्थासँगै बिहान ८ बजेदेखि राती ८ बजेसम्म नयाँ कल सेन्टरको समेत व्यवस्था गरिने दूताबासले जनाएको छ।
अमेरिकी डिभी भिसामा भने यो नियम लागू नहुने दूतावासले जनाएको छ । दूतावासले यसअघि नबिल बैंकमार्फत लिने शुल्क पनि अब नेपाल इन्भेष्टमेन्ट बैंकबाट लिने जनाएको छ ।
प्रतिक्रिया