दाङ, २९ जेठ । उपप्रधान एवं गृहमन्त्री वामदेव गौतमले काँग्रेस उपसभापति रामचन्द्र पौडेललाई कार्यबाहक प्रधानमन्त्री बनाउने प्रधानमन्त्री सुशील कोइरालाको तयारीप्रति असन्तुष्टि जनाउनुभएको छ ।
प्रेस चौतारीले बिहीबार दाङको तुलसीपुरमा गरेको पत्रकार सम्मेलनमा उपप्रधान एवं गृहमन्त्री गौतमले सरकार गठनका क्रममा भएको सहमति अनुसार आफूले नै कार्यबाहक प्रधानमन्त्री पाउनुपर्ने बताउनुभयो । उहाँले भन्नुभयो, सरकार निर्माणका समयमा कांग्रेस(एमालेबीच भएको सहमति कसैले तोड्यो भने सरकार अघि चल्न सक्दैन । कतैबाट सहमति विथोल्ने प्रयास भए सरकार ढल्छ ।’
वर्तमान सरकारको मूख्य घटक नेकपा एमाले भएको भन्दै उहाँले सहमति भाँँड्ने दुस्प्रयास नगर्न चेतावनी पनि दिनुभयो ।
गौतमले आफू गृहमन्त्री भएपछि मुलुकमा शान्ति सुरक्षा मजवुत भएको दाबी पनि गर्नुभयो ।
एमाले उपाध्यक्ष समेत रहेका गौतमले ९ औं महाधिवेशनबाट संसदीय दलका नेता केपी शर्मा ओली नै अध्यक्षमा निर्वाचित हुने दावी पनि गर्नुभयो ।
प्रतिक्रिया