काठमाडौँ, १९ जेठ । सरकार गठनका क्रममा काँग्रेस र एमालेबीच भएको सात बुँदे सहमतिका विषयमा राष्ट्रपति डा रामवरण यादवले दिएको अभिव्यक्ति विवादको घेरामा परेको छ ।
खासगरि, एमालेले यसको विरोध गरेको छ । सोमबार राजधानीमा गरिएको कार्यक्रममा नेकपा (एमाले) प्रचार विभागका प्रमुख प्रदीप ज्ञवालीले सातबुँदे सहमतिविरुद्ध राष्ट्रपति यादवले सार्वजनिकरुपमा अभिव्यक्ति दिएर राजनीति गर्न खोजेको आरोप लगाउनुभयो ।
सरकार गठनका बेला नेपाली काँग्रेस र एमालेबीच भएको साँतबँुदे सहमतिविरुद्ध राष्ट्रपति डा यादवले दिनुभएको अभिव्यक्ति आपत्तिजनक भएको उहाँले बताउनुभयो ।
उहाँले पार्टीको आगामी नेतृत्वका लागि वरिष्ठ नेता माधवकुमार नेपालले उम्मेदवारी फिर्ता लिने र संसदीय दलका नेता केपी ओलीलाई नै पार्टीको अध्यक्षमा सर्वसम्मत चयन गरिने उल्लेख गर्नुभयो ।
नेपाली काँग्रेसका केन्द्रीय सदस्य मीनबहादुर विश्वकर्माले काँग्रेस र एमालेले सातबुँदे सहमति गरेर गल्ती गरेको बताउनुभयो । राष्ट्रपतिले संविधानको प्रतिकुल गरिएको सो सहमतिको विरोध गर्नु स्वभाविक भएको भन्दै अभिभावकको रुपमा राष्ट्रपतिले छिटो संविधान लेख्न घच्घच्याएको उहाँको धारणा रहेको थियो
प्रतिक्रिया