भारतीय नाकाबन्दीविरुद्ध उत्रिए कलाकार, के-के गरे ?

काठमाडौँ । भारतको अघोषित नाकाबन्दीका विरुद्ध कलाकारले कलामार्फत खबरदारी गरेका छन् ।

शान्ति बाटिकामा आज भेला भएर कवि, कलाकार, विद्यार्थी नेता, विद्यार्थीलगायत सर्वसाधारणले राष्ट्रिय झन्डा हात हातमा बोकेर राष्ट्रभक्तिपूर्ण गीत, कविता आदि प्रस्तुत गरेका थिए ।

सो अवसरमा कलाकार मनोज गजुरेलले भारतीय प्रधानमन्त्रीको नक्कल गर्नुभएको थियो भने गायिका कुन्ती मोक्तानले ‘लालीगुराँस अजम्बरी चम्पा चमेली, जे भने नि हुन्छ हजुर म त नेपाली’ बोलको गीत प्रस्तुत गर्नुभएको थियो ।

त्यस्तै सङ्गीतकार टीका भण्डारी, सिस्नुपानी नेपालका कलाकारलगायतले पनि जनता जगाउने प्रस्तुति दिएका थिए ।