चिनियाँ राष्ट्रपतिलाई नेपालले पठायो यस्तो सन्देश

काठमाडौँ, १४ असोज । भारतको नाकाबन्दी खेपिरहेको नेपालले चीनलाई बधाई सन्देश पठाएको छ ।

राष्ट्रपति डा रामवरण यादव र प्रधानमन्त्री सुशील कोइरालाले चीनको राष्ट्रिय दिवसको अवसरमा त्यहाँका राष्ट्रपति सि जिनपिङ र प्रधानमन्त्री लि केक्वियाङलाई एक छुट्टाछुट्टै बधाई सन्देश पठाउनुभएको हो ।

सन्देशमा उहाँहरूले चिनियाँ राष्ट्रपति र प्रधानमन्त्रीको व्यक्तिगत सुस्वास्थ्य र सुखका साथै त्यहाँका जनताको उत्तरोत्तर प्रगतिको कामना गर्नुभएको छ ।

साथै उहाँहरूले दुई देशबीच रहिआएको मैत्री सम्बन्ध आउँदा वर्ष अझ सुदृढ हुँदैजाने विश्वास पनि सन्देशमा व्यक्त गर्नुभएको छ । त्यसअवसरमा चीनसँग जोडिएका नाका खोल्न चिनियाँ सरकारले गरेको कार्यको प्रशंसा समेत गरिएको छ ।