सुनौली नाकामा बन्दको प्रतिकार, स्थानीयबासीले मधेसी मोर्चा नेतालाई लखेटे (फोटो फिचरसहित)

भैरहवा, १२ असोज । भैरहवाको बेलहिया–सुनौली नाकामा बन्दकर्ता र प्रतिकारमा उत्रिएका स्थानीयबीच झडप भएको छ ।

नाकामा बसेर आवतजावत ठप्प पारेपछि बन्दबाट आजित भएका स्थानीयबासीले प्रतिकार गर्न खोज्दा प्रदर्शनकारीसँग झडप भएको हो । झडपपछि सीमा ठप्प पार्ने आन्दोलनको नेतृत्व गरिरहेका महेन्द्र यादव, सन्तोष पाण्डे, अमप्रकाश यादवसहित मधेसी मोर्चाका नेता कार्यकर्ता भारत पसेका छन् ।

स्थानीय प्रतिकारपछि दशगजाबाट भाग्दै भारतीय भूमितर्फ पसेका आन्दोलनकारीहरुले नेपालतिर ढुंगामुढा गरेका थिए । सो नाकामा अवरोध खुलाउन स्थानीयले बिहानदेखि नै सीमामा प्रतिकार गरिरहेका छन् । यसअघि सोमबार स्थानीयकै प्रतिकारपछि भैरहवा नाका खुलेको थियो ।

अहिले बेलहियाको स्थिती समान्य रहेको छ । ढुगांमुढा प्रहारको गरेको आरोपमा प्रहरीले दुई जनालाई नियन्त्रणमा लिएको जनाएको छ । पक्राउ पर्नेमा रुपन्देही केरवानी ९ का ३२ वर्षीय अकाश भन्ने मोहम्मद हसान रज्जाक र पोखरभिण्डी १ का ५० वर्षीय योगन्द्र चौधरी रहेका छन् ।

फोटोहरुः कमल रायमाझीबाट