नेपालको आन्तरिक मामिलामा हस्तक्षेप नगर्न भारतीय राजदूत रेलाई चेतावनी

धनगढी, २६ भदौ । भारतीय राजदूत रणजीत रायले सङ्घीय प्रदेश निर्माणमा कैलालीलगायत जिल्लाको भूगोल टुक्र्याउने अभिव्यक्ति दिएको भन्दै अखण्ड सुदूरपश्चिम पक्षधरले विरोध गरेको छ ।

अखण्ड सुदूरपश्चिम पक्षधरले आज यहाँ पत्रकार सम्मेलन गरी कूटनीतिक मर्यादा नाघेर नेपालको आन्तरिक मामिलामा हस्तक्षेप नगर्न चेतावनी समेत दिएको छ ।

पत्रकार सम्मेलनमा अखण्ड सुदूरपश्चिम आन्दोलनका नेताद्वय गोपाल देउवा र हरि रेग्मीले आफूहरुको आन्दोलन कुनै जात वर्गको लागि नभई सुदूरपश्चिमको समृद्धिका लागि भएको भन्दै यस क्षेत्रका नौ जिल्लालाई टुक्र्याउने प्रयास गरिए पुनःआन्दोलनमा जान बाध्य हुने बताउनुभयो । रासस