वीरगञ्ज, १५ भदौ । संयुक्त लोकतान्त्रिक मधेशी मोर्चाका कार्यकर्ताले वीरगञ्जस्थित स्व.गिरिजाप्रसाद कोइरालाको शालिकमा तोडफोड गरेर क्षति पुर्याएका छन् ।
मोर्चाका कार्यकर्ताले सोमबार राति वीरगञ्ज उपमहानगरपालिका–३ ईदगाह चोकमा रहेको पूर्व प्रधानमन्त्री स्व.गिरिजाप्रसाद कोइरालाको शालिक तोडफोड गरी पूर्ण रुपमा क्षतिग्रस्त बनाएको प्रहरीद्वारा आज जारी विज्ञप्तिमा उल्लेख छ ।
मधेशी मोर्चाको तोडफोडबाट गिरिजाप्रसाद कोइरालाको शालिक पूर्ण रुपमा क्षति भएको पर्सा कांग्रेसले पनि जनाएको छ ।
कर्फ्यु लागेका समयमा पनि मधेशी मोर्चाका कार्यकर्ताले तोडफोड गरेका थिए ।
स्व.गिरिजाप्रसाद कोइरालाको शालिक तोडफोड भएकोमा कांग्रेस गम्भीर आपत्ति जनाएको छ ।
प्रतिक्रिया