काठमाडौ, ४ असार । नेपाली काँग्रेसका सभापति एवं पार्टी सभापति सुशील कोइराला अमेरिका गएपछि पार्टीभित्र झनै असन्तुष्टि चुलिएको छ ।
पार्टीका सभापति समेत रहेका कोइरालाले अमेरिका भ्रमण जानुअघि कार्यबाहक सभापतिको जिम्मेवारी नदिई गएको विषयलाई लिएर नेपाली काँग्रेस भित्र तिब्र असन्तुष्टि बढेको छ ।
कोइरालाले अमेरिका जानु अघि पार्टीमा छलफल समेत नगरेको र लिखित रुपमा कसैलाई कार्यवाहक सभापतिको जिम्मेवारी समेत नदिएकोले असन्तुष्टि बढेको हो । पौडेल प्रधानमन्त्रीको विरोधमा तेस्रो मोर्चा बनाउने गृहकार्यमा पनि जुटेका छन् । त्यसका लागि उनले आफू निकटका नेताहरुसँग छलफल गरिरहेका छन् ।
कोइराला प्रधानमन्त्री बनेपछि चार महिनासम्म पनि केन्द्रीय समितिको बैठक नबसेको र पार्टीमा छलफल नगरी सरकार अघि बढेको विषयलाई लिएर पौडेलले तीव्र असन्तुष्टि जनाउँदै आएका छन् । कार्यवाहक सभापति दिने सहमतिमा संसदीय दलको निर्वाचनमा सहयोग गरे पनि कोइरालाले धोका दिएको आरोप छ, पौडेलको ।
प्रधानमन्त्रीको ब्यवहारलाई लिएर पौडेलमात्र होइन, बरिष्ठ नेता शेरबहादुर देउवा समेत असन्तुष्ट बनेका छन ।
प्रतिक्रिया