मकवानपुर । मकवानपुरको भीमफेदी गाउँपालिका–६ चिसापानी गढीस्थित भीमफेदी–कुलेखानी सडकखण्डमा यात्रुबाहक ईभी गाडी दुर्घटना भएको छ ।
प्रहरीका अनुसार बिहान ५ः४५ बजे काठमाडौंबाट सर्लाहीतर्फ जाँदै गरेको गाडी सडकबाट अन्दाजी ५०० मिटर तल खसेर दुर्घटना भएको हो ।
प्रहरीले गाडीमा चालकसहित १३ देखि १४ जना सवार रहेको प्रारम्भिक जानकारी छ ।
उद्धारका लागि नेपाल प्रहरी, सशस्त्र प्रहरी, नेपाली सेना र विपद् व्यवस्थापन टोली घटनास्थलमा खटिएका छन् ।
उद्धार कार्य जारी रहेको र दुर्घटनामा परेकाहरूको अवस्थाबारे विस्तृत विवरण आउन बाँकी रहेको प्रहरीले जनाएको छ ।
प्रतिक्रिया