काठमाडौं । फ्रान्समा शनिबार लाखौं मानिसहरू महँगी, विद्यालयहरूको दयनीय अवस्था र प्रहरीको कठोर कार्यशैलीको विरोधमा सडकमा उत्रिएका छन् ।
पेरिस लगायतका ठूला सहरहरूमा प्रदर्शनकारीहरूले सरकारविरुद्ध नाराबाजी गरेका हुन् ।
प्रदर्शनको अन्त्यतिर पेरिसमा प्रहरीले प्रदर्शनकारीहरूमाथि लाठी र अश्रुग्यासको प्रयोग गर्यो ।
गृह मन्त्रालयका अनुसार, देशभरिबाट करिब १ हजार जनालाई पक्राउ गरिएको छ ।
सरकारी तथ्याङ्क अनुसार, विरोध प्रदर्शनमा करिब ४ लाख मानिसहरू सहभागी थिए ।
ट्रेड युनियनहरूले भने ८ लाख मानिसहरू सहभागी भएको दाबी गरेका छन् ।
प्रतिक्रिया