बन्दविरुद्ध झापाका युवा सडकमा उत्रिए, स्वतःस्फूर्त रुपमा बन्द खुलाउँदै

झापा, १ भदौं । लगातारको बन्दले जनजीवन प्रभावित पारेपछि झापा विर्तामोडका युवाहरुले स्वतःस्फूर्त रुपमा बन्द खुलाउन सडकमा उत्रिएका छन् ।

बन्दविरुद्ध सयौं युवाहरुले विर्तामोड परिक्रमा गर्दै बन्द हड्ताल चाहिँदैन, रोजीरोटी खोज्न पाइँदैन भन्दै नाराबाजी गरेका छन् । व्यवसायीहरुलाई बन्दको विरुद्धमा सडकमा आउन युवाहरुले आग्रह पनि गरेका छन् ।

बन्दकर्ताको माग सम्बोधन गर्न उनीहरुले सरकारसँग माग गर्दै बन्द गर्नेलाई विर्तामोडबाट खेदाउने चतावनी दिएका हुन् । उनीहरुले बन्द गर्नेलाई बन्द गर्नेहरुसँग भिड्न पनि तयार भएको बताएका छन् ।

झापामा आजको बन्दको प्रभाव शून्य छ । बजार खुलेका छन्, सर्वसधारणको चहलपहल पनि बढेको छ ।