यस्तो छ भोटेकोशी बाढीको पछिल्लो अपडेट

काठमाडौं । जल तथा मौसम विभागका वरिष्ठ हाइड्रोलोजिस्ट विनोद पराजुलीले रसुवास्थित भोटेकोशी बाढीको अवस्था अहिले सामान्य रहेको बताएका छन् ।

विभागका वरिष्ठ हाइड्रोलोजिस्ट पराजुलीले जोखिमको अवस्था कम हुँदै गएको बताए ।

उनले भने, ‘रसुवास्थित भोटेकोशी बाढीको अवस्था सामान्य छ । राति ३० सेन्टीमिटर बाढी बढेको थियो । थप जोखिमको कारण हिजोको जस्तो आज छैन ।’ हिजो बेलुकादेखि आज बिहानसम्म देशको विभिन्न भू–भागमा मध्यम वर्षा भएकाले समान्य अवस्था नै रहेको उनले बताए ।

हालसम्मको प्रारम्भिक अध्ययनअनुसार मृत्यु तथा बेपत्ता हुनेको संख्या करिब एक हजार पुगेको उनले बताए ।

‘अहिलेसम्मको अध्ययनमा हेर्दा करिब एक हजारको हाराहारीमा मृत्यु र बेपत्ता भएका छन् । विवरण संकलनको काम भइरहेको छ । आज यसको अन्तिम आँकडा आउनेछ । यो सबै पालिकाबाट तथ्यांक लिने काम भइरहेको छ, उनले भने ।

उनका अनुसार विभिन्न पालिकाबाट तथ्यांक संकलन गर्ने काम भइरहेको छ ।