काठमाडौं । मोरङको विराटनगरमा एक नवजात शिशु फेला परेका छन् ।
सोमबार विराटनगर महानगरपालिका–७ स्थित मालपोत कार्यालय अगाडि फेला परेका नवजात शिशुको मोरङ प्रहरीले उद्धार गरी उपचारका लागि अस्पताल पुर्याएको छ ।
करिब २–३ दिनको नवजात शिशु छोरा फेला परेको जानकारी प्राप्त भएपछि जिल्ला प्रहरी कार्यालयबाट खटेको प्रहरीले शिशुको उद्धार गरी उपचारका लागि कोशी अस्पताल विराटनगर पुर्याएको हो ।
हाल शिशुको स्वास्थ्य अवस्था सामान्य रहेको छ ।
नवजात शिशुलाई उक्त स्थानमा कसले र किन छाडेको हो भन्ने विषयमा थप अनुसन्धान भइरहेको प्रहरीले जनाएको छ ।
प्रतिक्रिया