कोशीका मुख्यमन्त्री कार्कीले भदौ ५ गते विश्वासको मत लिने

विराटनगर । कोशी प्रदेशका मुख्यमन्त्री हिक्मतकुमार कार्कीले भदौ ५ गते विश्वासको मत लिने भएका छन् ।

सरकार पुनर्गठनपछि उनले विश्वासको मत लिन लागेका हुन् । कोशीमा काँग्रेस सरकारबाट बाहिरिएपछि नेकपा सरकारमा प्रवेश गरेको छ । तर काँग्रेसले समर्थन फिर्ता लिन भने बाँकी छ ।

बुधबार संसदीय दलको बैठक बसेर यसबारे आधिकारिक निर्णय गरिने कोशी प्रदेशका संसदीय दलका नेता उद्धव थापाले बताए ।