श्रीमतीको हत्या गरेको आरोपमा श्रीमान पक्राउ

काठमाडौं । हत्या गरेको अभियोगमा एक जना पक्राउ परेका छन् ।

आफ्नै श्रीमती ४३ वर्षीया फूलमाया मुदेलको हत्या गरेको अभियोगमा मादी नगरपालिका—४ डाँडागाउँ बस्ने चैनपुर नगरपालिका—७ घर भएका ५६ वर्षीय अमरबहादुर सार्कीलाई शनिबार बिहान प्रहरीले पक्राउ गरेको हो ।

घरायसी विवादको क्रममा अमरबहादुरले धारिलो हतियार खुकुरी प्रहार गरी फूलमायाको हत्या गरेको भन्ने खबर प्राप्त हुनासाथ इलाका प्रहरी कार्यालय चैनपुर र प्रहरी चौकी मङ्गलबारे मादीबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।