दोहा, १६ साउन । कतारको तल्लो ‘क्रिमिनल कोर्ट’ले ग्याँस बिस्फोटका दोषीहरुलाई पाँच बर्ष जेल सजाय सुनाउनुको साथै पीडित परिवारलाई क्षतिपूर्ति दिनुपर्ने फैसाला सुनाएको छ ।
डेड वर्षअघि कतारस्थित इस्तानबुल रेष्टुरेष्टमा ग्याँस बिस्फोट हुँदा चार नेपाली सहित ११ जना कामदारको ज्यान गएको थियो । ३० जना घाइते भएका थिए ।
अदालतले मुख्य दोषीलाई पाँच बर्ष र साहायक दोषीलाई दुई बर्षको जेल सजाय सुनाएको कान्तिपुर दैनिकले समाचार छापेको छ ।
उनीहरुलाई १० देखि ६ हजार रियाल जरिवाना समेत तोकिएको छ ।
अदालतले बल्डमनि बापत प्रति पीडित परिवारलाई एक लाख रियाल (करिब २८ लाख रुपैया) दिन फैसला सुनाएको छ । जसमा मुख्य दोषीबाट ६० हजार र साहायक दोषीबाट ४० हजार रियाल भराउने फैसाला गरेको हो ।
घाइतेलाई ६ सय देखि १० हजार रियाल क्षतिपुर्ति दिनुपर्ने फैसाला सुनाएको छ ।
सन् २०१४ फ्रेववरी २७ मा रेष्टुरेष्टको ग्यास ट्याकी असाबधानी अपनाउदाँ बिस्फोट भएको थियो ।
त्यस बिस्फोटमा परी त्यस रेष्टुरेन्टसँगै जोडिएको अर्को अल रुबाबी रेष्टुरेष्टमा काम गर्ने नेपालीको घटनास्थलमै ज्यान गएको थियो । चारै जना बाग्लुङका हुन् ।
हिला गाबिस काँक्राखोरका दुर्गा कार्की, अर्गल- ५ का यमबहादुर खत्री, अर्गल- ६ का मनबहादुर खत्री, अम्बरभुमिका टंकबहादुर क्षेत्रीको ज्यान गएको थियो ।
अदालतले दोषी देखाउने चारै जना आप्रबासी कामदार हुन् । मुख्य दोषीमा प्रतिष्टीत ग्याँस तथा पेट्रोल कम्पनी उकुद र कतार ग्याँसका सुपरभाइजर तहमा कार्यरत कामदार हुन् ।
अदालतले उनीहरुलाई अनुगमन नगरी ग्याँस भरेकोमा दोषी लगाएको छ । ती चार जनालाई सम्पत्ति बिनास सहित कानुनको अबज्ञा गरेको सहित अरु चार अभियोग समेत दर्ता गरेको छ ।
कतारमा यो भन्दा ठुलो घटना सन् २०१२ मा भिलाजिलो महलमा आगोलागी हुदाँ १९ जनाको ज्यान गएको थियो ।
नेपाली दुताबासले पीडित परिवारलाई क्षतिपुर्ति दिन छुट्टै मुद्दा दयार गरेको छ । यो मुद्दा अदालतमा चलिरहेको छ ।
मृतकका आफन्त नगेन्द्र खत्री र पदम खत्री घटनाबाट परिवारमा ठुलो आघात परेको बताएका छन् ।
‘परिवार दोषीलाई कारबाही हुनुको साथै उचित क्षतिपुर्तिको लागि लडिरहेको छ’, पदमले भने,‘हामी जतिसक्दो छिटो क्षतिपुर्ति पाउन पाए हुन्थ्यो भन्ने छ ।’
प्रतिक्रिया