ताप्लेजुङ, २१ असार । अभिभावक गुमाउनु पर्दाको पीडा आफैंमा असह्य हो । नाबालक अवस्थामै यस्ता दुःख आइपरे झन कष्टकर हुन्छ ।
ताप्लेजुङ एक १० वर्षे बालकले पीडा भने यतिमा मात्रै सीमित छैन ।
बाबुको बर्खान्तका लागि आमाले लिएको ऋण तिर्न उनी ‘साहु’को घरमा गोठालो बस्न बाध्य छन् ।
दिवंगत पिताको बर्खान्तमा लागेको खर्च भुक्तान गर्न पढाई छाडेर गोठालो बस्न बाध्य लेलेप गाविस–३ टाँसीगाउँका दोर्ची शेर्पा बिहान–बेलुका घाँसदाउरा गर्छन्, दिनभर गाई चराउँछन् । कान्तिपुर दैनिकमा समाचार छ ।
तीन वटा माउ गाई र तिनका बाच्छाबाच्छी स्याहार्ने जिम्मेवारी पाएका उनी तिनलाई घाँस–खोले गर्ने, खुवाउने, दूध दुहुने पनि गर्छन् ।
त्यति गरेबापत आमाले लिएको ऋणबाट वर्षमा १० हजार चुक्ता हुन्छ ।
दोर्चीकी आमा दावाफुटीले पतिको बर्खान्तका लागि ६० हजार रुपैयाँ ऋण लिएकी थिइन् ।
प्रतिक्रिया