वैद्य नेतृत्वको पार्टीको महाधिवेशन आजदेखि

काठमाडौं, १३ मंसिर । मोहन वैद्य नेतृत्वको क्रान्तिकारी कम्युनिस्ट पार्टी नेपालको राष्ट्रिय एकता महाधिवेशन बिहीबारदेखि काठमाडौंमा सुरु हुँदैछ ।

मंसिर २३ सम्म चल्ने महाधिवेशनको उद्घाटन आज दिउँसो १ बजे न्युरोडीस्थित भूगोलपार्कमा हुने पार्टीले जनाएको छ ।

महाविधेशनमा विचारको बहससहित दस्तावेज पास गरेर नयाँ नेतृत्व चयन गर्ने पार्टीले जनाएको छ । विसं २०८० सालमा नेकपा (बहुमत) र यसै वर्षको वैशाखमा नेकपा (मसाल)का सन्तबहादुर नेपालीसँग एकतापछि हुन लागेको महाधिवेशनलाई एकताको महाधिवेशन भनिएको छ ।