काठमाडौं, १७ असार । मधेसवादी दलहरुको विरोधका बीच संविधानसभा कार्यसञ्चालन नियमावलीको नियम ९३ को उपनियम ३ लाई निलम्बन गरिएको छ ।
राप्रपा नेपालसहित मधेसवादी दलले प्रक्रियागत त्रुटि भन्दै विरोध जनाएपनि अध्यक्ष सुवासचन्द्र नेम्वाङले केहीबेर अगाडि संविधानसभा नियमावली निलम्बन गरेका छन् ।
कांग्रेसका प्रमुख सचेतक चीनकाजी श्रेष्ठ प्रस्तावक र एमालेका अग्नि प्रसाद खरेल र एमाओवादीका गिरिराजमणी पोख्रेलले समर्थन गरेको नियम नियमावलीलाई अध्यक्ष नेम्वाङले निलम्बन गरेका हुन् ।
राप्रपा नेपाल र मधेसवादी दलको विरोध नारावाजीका बीच संविधान नियम नियमावली निलम्बन भएको हो । संविधानसभा बैठकमा सभाध्यक्ष सुवास नेम्वाङले कांग्रेस सभासद चिनकाजी श्रेष्ठलाई नियम निलम्बन सम्वन्धी प्रस्ताव पेश गर्न समय दिएलगत्तै सभासदहरुले रोष्टम घेरेर नारावाजी समेत गरेका थिए ।
प्रतिक्रिया