नक्कली डाक्टर पक्राउ

काठमाडौं, ८ माघ । प्रहरीले काठमाडौंबाट एकजना नक्कली डाक्टरलाई पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीले विराटनगर घर भई काठमाडौंको बाँसबारीमा बस्ने ४० वर्षीय सम्बुद्ध भट्टचार्यलाई पक्राउ गरेको हो ।

उहाँले चीनबाट एमबीबीएस गरेको र टिचिङ अस्पतालमा समेत काम गर्ने भन्दै नक्कली कागजात बोकेर उपचार गर्दै आउनु भएको थियो । उहाँले झण्डै ७ सयजनाको उपचार गरिसकेको पाइएको प्रहरीले जानकारी दिएको छ ।

भट्टाचार्यले ९ महिनादेखि नक्सालस्थित वी केयर पोलिक्लिनिकमा ६३० जना बिरामीको उपचार गरिसकेको अनुसन्धानबाट खुलेको छ ।

त्यस्तै उहाँले धौलागिरी हिमाल पोलिक्लिनिकमा पनि ३० जना बिरामीको चेकजाँच गरेको पाइएको छ ।