उखु किसानको ५२ करोड बक्यौता भुक्तानी दिने सरकारको निर्णय

काठमाडौं, १ पुस । सरकारले उखु किसानहरूलाई ५२ करोड भुक्तानी दिने भएको छ ।

प्रधानमन्त्री पुष्पकमल दाहाल प्रचण्डको पहलमा आज बसेको बैठकले उखु किसानहरूलाई बाँकी भुक्तानी तत्काल उपलब्ध गराउने निर्णय गरेको हो।

बैठकमा अर्थमन्त्री डा. प्रकाशशरण महत, कृषिमन्त्री डा. बेदुराम भुसाल, उद्योग वाणिज्य तथा आपूर्तिमन्त्री रमेश रिजाल, मुख्यसचिव डा. बैकुण्ठ अर्याल, अर्थ मन्त्रालय, कृषि मन्त्रालय र उद्योग मन्त्रालयका सचिवहरू लगायत उपस्थित थिए।

बैठकमा प्रधानमन्त्री प्रचण्डले कृषि क्षेत्र र किसानहरूलाई प्राथमिकतामा राखेर उत्पादनमुखी नीति, योजना र कार्यक्रम बनाउन एवं कार्यान्वयनमा तत्परता देखाउन मन्त्री र सचिवहरूलाई निर्देशित समेत गरेका थिए ।