अख्तियारले पनि बालकृष्ण खाँणलाई साधारण तारेखमा छाड्यो

काठमाडौं, २९ मंसिर । नक्कली भुटानी शरणार्थी प्रकरणमा अभियुक्त नेपाली कांग्रेसका केन्द्रीय सदस्य तथा पूर्वगृहमन्त्री बालकृष्ण खाँणलाई अख्तियार दुरूपयोग अनुसन्धान आयोगले साधारण तारेखमा रिहा गरेको छ ।

उच्च अदालत पाटनले हिजो ३० लाख धरौटीमा रिहा गर्न आदेश दिएसँगै आज थुनामुक्त भएका खाँणलाई अख्यिारले साधारण तारेखमा रिहा गरेको हो ।

त्यसअघि सम्पत्ति शुद्वीकरण विभागले उनलाई १५ लाख धरौटीमा छोडेको थियो ।

अख्तियारले साधारण तारेखमा छोडेसँगैँ खाँण सात महिनापछि थुनामुक्त भएका हुन् ।