काठमाडौं महानगरपालिकामा आजदेखि सुर्तीजन्य पदार्थ बिक्री वितरणमा प्रतिबन्ध

काठमाडौं, २७ मंसिर । काठमाडौं महानगरपालिकाभित्र आजदेखि सार्वजनिक स्थानमा सुर्तीजन्य पदार्थको बिक्री वितरण गर्न नपाइने भएको छ । महानगरपालिकाले आजदेखि ३२ वटै वडामा सुर्तीजन्य पदार्थको बिक्रीमा पूर्ण निषेध गरेको हो ।

प्लास्टिकमा प्याक गरिएका कच्चा सुर्ती, खैनी, बिँडी, तम्बाखु, सुल्फा, गुट्खा, पानपराग वा यस्तै प्रकृतिका मुखमा राखेर रस लिने सुर्तीजन्य पदार्थको भण्डारण, बिक्री र प्रयोग गर्न नपाइने भन्दै महानगरपालिकाले यही मङ्सिर १२ गते सार्वजनिक सूचना जारी गरेको थियो।

कसैले बिक्री वितरण गरेको पाइए नगर प्रहरीमार्फत त्यस्ता किसिमका सामग्री जफत गरी कारबाही गरिने सूचनामा उल्लेख छ।