चीनले १० करोड बराबरको राहत सामग्री पठाउने

काठमाडौं, १८ कात्तिक । जाजरकोट र रूकुम पश्चिमका भूकम्प प्रभावितलाई चीनले राहत सामग्री पठाउने भएको छ ।

चीन सरकारले भूकम्प प्रभावितलाई १० करोड रुपैयाँ बराबरको राहत सामग्री पठाउने भएको हो ।

नेपालका लागि चीनका राजदूत छन सङले साउथ एसियन कन्ट्रीज इमरर्जेन्सी सप्लाइज रिजर्भबाट सहयोग उपलब्ध गराउन लागेको जानकारी दिएका छन् ।

राहत सामग्रीमा टेन्ट, ब्ल्याङ्केटसहित छन्। राहत सामग्री केही दिनमा नेपाल आइपुग्ने राजदूत सङले बताए ।