नेपालमा फेरि भूकम्पको झट्का

काठमाडौं, २१ जेठ । गत वैशाख १२ र २९ गतेको शक्तिशाली भूकम्पपछि नेपालमा विहीबार फेरि भूकम्पको धक्का महसुस भएको छ ।

राष्ट्रिय भूकम्प मापन केन्द्रका अनुसार विहीबार अपराह्न ४ बजेर १५ मिनेटमा दोलखालाई केन्द्रविन्दु बनाएर नेपालमा फेरि भूकम्पको धक्का महसुस गरिएको हो ।

दोलखा केन्द्रविन्दु भएर गएको भूकम्प ४ रेक्टर स्केलको हो । यसअघि बुधबार दिनभरी पाँच वटा भूकम्प गएका थिए । पछिल्लो भूकम्प दोलखामै ४ दशमलब ५ रेक्टरको गएको थियो ।

अहिले दोलखामा गएको भूकम्प विहीबार नेपालमा महसुस गरिएको पहिलो धक्का हो ।