६० किलो सुन प्रकरण: पूर्वउपराष्ट्रपतिका छोरा दीपेशसँग पनि सीआईबीले लियो बयान

काठमाडौं, १९ भदौ । त्रिभुवन अन्तर्राष्ट्रिय विमानस्थल बाहिरबाट बरामद गरिएको तस्करीको ६० केजी सुन प्रकरणमा पूर्व उपराष्ट्रपति नन्दबहादुर पुन  ‘पासाङ’का छोरा दीपेश पुन पनि जोडिएका छन् ।

केन्द्रीय अनुसन्धान ब्यूरो (सीआईबी) ले पूर्व उपराष्ट्रपतिका छोरा दीपेश पुनसँग बयान लिएको छ । अनुसन्धानका क्रममा उनी पनि जोडिएको पाइएपछि सीआईबीले बयान लिएको हो ।

सुन तस्करी प्रकरणमा भएको संलग्नतालाई पुष्टि गर्ने थप प्रमाण फेला परेमा दीपेशलाई पक्राउ गर्ने समेत तयारी रहेको सीआईबी स्रोतले बताएको छ ।