काठमाडौं । तेस्रो संस्करणको नेपाल प्रिमियर लिग (एनपीएल)मा पहिलोपटक डिसिजन रिभ्यु सिस्टम (डीआरएस) प्रविधि प्रयोग हुने पक्का भएको छ ।
मंगलबार एनपीएलले आफ्नो आधिकारीक फेसबुक पेजमा एक भिडियो सार्वजनिक गर्दै डीआरएस प्रयोग गर्न लागेको जानकारी गराएको हो ।
डीआरएस प्रविधिको सहायताले खेलका क्रममा अम्पायरले गरेका केही निर्णयमाथि पुनरावलोकन गर्न सकिन्छ । एक टिमले आफ्नो इनिङमा २ पटक डीआरएस सिस्टम प्रयोग गर्ने प्रचलन रहँदै आएको छ ।
डीआरएसले खेलाडी तथा टोलीलाई अम्पायरको निर्णयमा चित्त नबुझे समीक्षा माग गर्ने अवसर दिन्छ ।
एनपीएलको तेस्रो संस्करण यही कात्तिक ९ गतेदेखि कीर्तिपुरस्थित त्रिवि अन्तर्राष्ट्रिय क्रिकेट मैदानमा सुरु हुँदैछ ।
प्रतिक्रिया